Wrap Party of <Ip Man>
2008.08.24

由東方電影發行有限公司出品，葉偉信導演、洪金寶擔任動作指導，投資超過一千萬美元，講述詠春拳一代宗師葉問的同名電影《葉問》已拍攝完成，現正進行後期製作。電影公司今晚 (8月24日) 假灣仔龍門大酒樓舉行煞科宴，筵開十五席招待台前幕後工作人員。

今次《葉問》的煞科宴以懷舊為主題，除選址在舊式酒樓設宴外，各嘉賓亦穿上充滿中國特色的服裝出席，加上多款懷舊菜式，令各位仿如時光倒流50年，重回葉問宗師的年代。第一次拍戲既阿Lynn仲示範打木人樁掀起全晚既高潮。一班演員甄子丹、熊黛林、任達華、日籍演員池內博之、黃又南、樊少皇等難得聚首一堂，大家更大飲花雕預祝影片票房大收，場面非常熱鬧。

電影公司更特別剪輯了3分鐘的精華片段於煞科宴上首播，讓演員及工作人員先睹為快，一眾演員見到自己幾個月來辛苦拍攝的成果都非常興奮！老闆黃百鳴表示：「《葉問》將會係東方電影2008年既重頭製作，現計劃於聖誕檔期於中國、香港及東南亞等地同步上映，這套戲可以順利完成，要多謝葉問宗師既長子葉準師傳同多位詠春界既友好提供資料，同埋台前幕後既工作人員。」

男主角甄子丹表示：「這次接拍電影《葉問》比以前拍功夫片更緊張，要演活葉問這位一代宗師的傳奇人生真的好有壓力，係拍攝之前用左幾個月時間去跟師傅學習詠春拳，仲睇左好多關於葉問宗師生平既資料，希望可以透過這套電影令更多人認識葉問這位武術英雄。」

至於第一次拍戲既熊黛林表示：「好榮幸有機會參演《葉問》這套電影，雖然今次係自己第一次拍戲，發覺拍戲同做模特兒真係好唔同，多得葉偉信導演同一班演員既幫忙，成就我今次既難忘又珍貴既第一次，希望觀眾都會喜歡呢套電影啦！」